Америкийн баруун эрэгт байрлах Беркли болон Стэнфордын их сургуулиуд дээр энэ сарын 2-13-ны өдрүүдэд Mонголын соёлын өдрүүд болох гэж байна. Энэхүү арга хэмжээг Стэнфордын Хөгжмийн тэнхимээс жил бүр явуулдаг “Пан-Aзийн хөгжмийн наадам”-ын хүрээнд зохион байгуулж байгаа аж. Энэ жил Берклигийн их сургуультай хамтран зохион байгуулснаар цар хүрээ нь тэлжээ. 2004 оноос эхтэй Пан-Aзийн хөгжмийн наадамд энэ жил манайхаас Төрийн шагналт, хөгжмийн зохиолч Б.Шарав, хөөмийч Н.Сэнгэдорж, морин хуурч Г.Уртнасан болон “Бөртэ” хамтлаг оролцох юм.

Монголын соёлын өдрүүдийн хүрээнд зохиогдох хөтөлбөрийг хүргэж байна.

Хоёрдугаар сарын 2-нд: Беркли, International House, 2299 Piedmont

13-17 цагт “Монголын Урлаг ба шашин” сэдэвтэй эрдэм шинжилгээний бага хурал
17-19 цагт Монгол оройн хоол (үнэ төлбөртэй)
19.30-21 цагт Бөртэ хамтлаг, уртын дуучин н.Шижирмаа, хөөмийчин Н.Сэнгэдорж, морин хуурч Г.Уртнасан нарын оролцсон ардын хөгжмийн концерт (үнэ төлбөргүй)

Хоёрдугаар сарын 3-нд: Стэнфорд, Campbell Recital Hall,541 Lasuen Mall

15-16.15 Монголын яруу найргийн үдэшлэг. Г.Мэнд-Ооёо, Саймон Викам-Смит
16.15-17.30 Монголын орчин үеийн урлагийн тухай яриа. Ц.Уранчимэг, О.Энхтайван
19-20.15 Монголын хөөмийн тухай лекц, үзүүлбэр тоглолт. Питер Марш, Н.Сэнгэдорж, Г.Уртнасан
20.15-21.30 Монголын хип-хоп урлагийн тухай лекц. Санмин Юун, Саймон Викам-Смит

Хоёрдугаар сарын 4-нд: Стэнфорд, Braun Music Center, 541 Lasuen Mall

18-19 цагт уран зураг, инстоляци урлагийн үзэсгэлэнгийн нээлт
19.30 цагт ардын хөгжмийн концерт. Dinkelspiel Auditorium, 471 Lagunita Dr
Тасалбарын үнэ: 20 доллар (оюутнууд 10 доллар) Билет захиалах утас: Stanford Ticket Office (650) 725-ARTS (2787).


Хоёрдугаар сарын 5-нд: Стэнфорд, Braun Music Center, 541 Lasuen Mall

10.30-18 цагт “Монголын орчин үеийн соёл урлаг” сэдэвтэй эрдэм шинжилгээний хурал. Campbell Recital Hall, 541 Lasuen Mall
19.00 цагт концертын өмнөх яриа: Монгол Улсын Төрийн шагналт хөгжмийн зохиолч Б.Шаравтай ярилцах агшин. Dinkelspiel Auditorium, 471 Lagunita Dr

20.00 цагт "Талын хөгжим" концерт. Үүнд: хөгжмийн зохиолч Б.Шаравын “Морин хуурд бичсэн концерт”, “Зуурдын орон” балетийн хоёрдугаар сюит зэрэг зохиолуудыг Стэнфордын тэмцээний 2010 оны шагналтан төгөлдөр хуурч Жюлиан Ма, морин хуурын гоцлол Г.Уртнасан, удирдаач профессор Жиндон Цай. Dinkelspiel Auditorium, 471 Lagunita Dr

Тасалбарын үнэ: 10 доллар, оюутнууд 5 доллар.

Хоёрдугаар сарын 11-нд: Стэнфорд, Dinkelspiel Auditorium, 471 Lagunita Dr

20.00 цагт. Монголын морин хуурч Г.Уртнасангийн оролцсон “Төв ба Зүүн Азийн эгшиг” тоглолт
Тасалбарын үнэ: 10 доллар, оюутнууд 5 доллар.

Хоёрдугаар сарын 12-нд: Стэнфорд, Dinkelspiel Auditorium, 471 Lagunita Dr

20.00 цагт. Монголын хөөмийчин Н.Сэнгэдорж, Бэй Аэриа дахь Хөх Тэнгэр хамтлагийн бүжигчид оролцсон Азийн хөгжмийн
тоглолт
Тасалбарын үнэ: 10 доллар, оюутнууд 5 доллар.