Red One Entertainment- ийн хамт олон бид энэхүү киногоо '7 сарын 1'гэж нэрлэсэн хэдий ч, хэн бүхний сэтгэлд хэзээ ч арилахгүйгээр, гэхдээ өөр өөрийнхээрээ зураглагдан үлдсэн яг тэр өдрийн тухай дүрслэлийг дахин дэлгэцнээ харуулахыг, эсвэл улс төржихийг зориогуй билээ.

Харин, халуун зуны өдрийг дэндүү хүйтэн болгосон тэр үйл явдал нэгэнт өнгөрсөн ч, манай хотыг жирийн нэгэн айлын амьдралтай хэрхэн холбогдож, ямар их хар барааныг үлдээн, яаж хүнд хэцүүгээр нөлөөлсөөр л байгааг үзүүлэх бөгөөд гэнэтийн мөртлөө тэсвэрлэхийн аргагүй тэр л зовлон бэрхшээлийг сэтгэлийн тэнхээ, анд нөхдийн дотно нөхөрлөл, гэр бүлийн халуун дулаан уур амьсгалын хүчээр ялан дийлж байгаа тухай өгүүлэх юм.

Бас манай кино, та бидний нэгэн хэвийн дүр зурагтай, сул дорой юмуу чанга хатуу, эсвэл дэн дун төөрөлдөн яваа энэ л амьдралын дунд өөрийн гэсэн үзэл бодол, арга барилтай, бидний танихгуй ч бахархамаар нэгэн ертөнц хэдийнээ бий болоод, хэнд ч анзаарагдахгүйгээр, гэхдээ зөв замаар урагшилж байгааг харуулан, үзэгчиддээ бусдыг хайрлах жинхэнэ хайр, зөөлөн дулаан харьцаа, өөдрөг гэгээн үзэл, амьдралын эрч хүч мэдрүүлнэ.